Mund të këtë një marazh gabimi, shkruan gazeta, pasi shumë të huaj mund të kenë marrë lejen e përhershme të qëndrimit, por nuk kishin aplikuar për pasaportë britanike.

Shifra e burgimeve për shqiptarët ka qenë 232.23 veta për 10 mijë banorë ose 1 në 50 shqiptarë. Kjo e dhënë është përllogaritur bazuar në të dhënat e regjistrimit të popullsisë në 2021, ku rreth 68 mijë e 700 shqiptarë të lindur jashtë Britanisë jetojnë në Britani dhe përjashto rreth 16 mijë pa pasaportë britanike, e çon shifrën në 52 mijë shqiptarë, shkruan Top Channel, transmeton Klankosova.tv.

Në kushtet kur ka pasur 1227 shqiptarë të burgosur, shkruan “Daily Telegrapgh” e Londrës, rezulton se 2 për qind e shqiptarëve janë në burgje, ose 1 ne 50. Po kjo gazetë, shkruan se kjo analizë e vetë gazetës, mund të ketë nënvlerësuar numrat e shqiptarëve pasi nuk merr parasysh rreth 12 deri 14 mijë që kanë mbërritur pas censusit me gomone që e ul në 1 në 100, duke e zmadhuar dyfish problemin real. Shqiptarët janë në krye të listës të pasuar nga kosovarët, vietnamezët, algjerianët, xhamajkianët, irakianët, somalezët e me e radhë, të cilët kanë ardhur me numra akoma më të mëdhenj se shqiptarët vitet e fundit.

Faktikisht nuk ka shifra reale të numrit të saktë të shqiptarëve që jetojnë legalisht dhe më e rëndësishmja ilegalisht në Britani, por shifra e censusit padyshim është e pasaktë si pikë referimi, dhe shifrat mund të jenë disa fish më shumë. Qoftë edhe ky fakt e bën të pasaktë pretendimin, pasi nuk bazohet në një shifër reale duke e zmadhuar problemin. Kjo mendohet se është pjesë e luftës politike sidomos nga konservatorët e qendrës së djathtë dhe nuk është hera e parë që shqiptarët bëhen “kokë turku”,  për politikën siç ka ndodhur kur sundonin konservatoret.

Kjo mendohet se lidhet edhe me luftën për zgjedhjen e udhëheqësit të ri të opozitës ku konkurron edhe  vetë ish-Ministri për Emigracionin, Robert Jeneric, i cili ka kërkuar de fundmi që qeveria e re të pakësoj dhënien e vizave për ato vende nga vijnë shumica e kriminelëve të huaj në Britani, në rastin konkret edhe për shqiptarët, edhe pse marrëveshja mes Ramës dhe Sunak trumpetohej dhe ende trupemtohet si shembull i luftës kundër emigracionit, që duhet aplikuar me vende të tjera.