Katër persona arrestohen lidhur me incidentin e rëndë që ndodhi mbrëmë pas mesnate në Prizren, ku tre persona janë lënduar si pasojë një sulmi me thikë, nga një grup personash, raporton Gazeta e Prizrenit.

Zëdhënësi rajonal i Policisë në Prizren, Shaqir Bytyqi, tha për Gazetën e Prizrenit se lidhur me rastin,  4 të dyshuar janë identifikuar dhe janë arrestuar.

“Për momentin janë stacion në pritije të avokatëve, të njëjtit do të intervistohen si të dyshuar për veprën penale “Vrasje në tenattivë” dhe prokurori i rastit do të vendos për pecedurat e mëtejme”, konfirmoi ai.

Ndërkaq, Gazeta Sinjali njoftoi  identitetin e viktimave të këtij sulmi, ku bëhej fjalë për A. Elshani dhe M. Elshani – (djem të axhës, mërgimtarë.)

Ata kanë pësuar lëndime të rënda dhe se po trajtohen në spital, e bashkë me ta është lënduar edhe një person tjetër familjar i tyre.

Sinjali mësoi se viktimat janë sulmuar nga një grup i të rinjve, ku dy djemtë kanë pësuar lëndime të rënda dhe se po trajtohen në spital, e bashkë me ta është lënduar edhe një person tjetër familjar i tyre.

Përveç sulmit me thikë ndaj tyre, të dyshuarit ia shpërthyen edhe gomat e veturës së viktimave, duke ia pamundësuar atyre lëvizjen.

Nga informacionet e portalit nga Policia duket se shkak i konfliktit ka qenë një fjalosje e rastit pak përpara incisentit, tek hyrja e një qendre tregtare. / Gazeta e Prizrenit