Në Komunën e Malishevës, gjatë 24 orëve te fundit janë shënuar 5 raste të reja me koronavirus, transmeton GAzeta e Prizrenit.

“Sot në territorin e Komunës së Malishevës, janë shëruar 9 persona të prekur me covid-19 dhe janë regjistruar 5 raste të reja. Këto të dhëna janë të konfirmuara në komunikimin e rregull të Komunës së Malishevës me Institutin Kombëtar të Shëndetësisë Publike të Kosovës dhe nga kontaktet në terren”, është bërë e ditur në njoftimin e komunës.

Ndërkaq nga fillimi i pandemisë 28 persona kanë vdekur nga ky virus.

Në njoftim, thuhet se gjendja e përgjithshme me covid-19 në Komunën e Malishevë, është kjo: Nga data 14 mars 2020, e deri më sot, gjithsejtë me covid-19 janë regjistruar 462 persona, prej tyre 347 janë shëruar, 28 kanë vdekur dhe aktiv me covid-19 janë edhe 87 persona”. /GazetaePrizrenit.net