“ShSKUK, sapo ka finalizuar konkursin për pranimin e 36 mjekëve specialistë për krejt ShSKUK, përfshirë klinikat e QKUK dhe  Spitalet e Përgjithshme”, ka thënë Fazliu. .

Ndërsa ka  pohuar se në fund të vitit që shkoi është finalizuar konkursi për infermierë dhe se gjatë këtij viti pritet të ketë dhe konkurse tjera.

“Poashtu, në fund të vitit 2024, ka finalizuar konkursin për pranim të infermierëve të profileve të ndryshme. Poashtu, gjatë këtij viti do të ketë konkurse të tjera për pranim të mjekëve, infermierëve dhe profileve tjera, pas një analize buxhetore, duke parë mundësitë dhe numrat e lirë, sipas buxhetit të përcaktuar”, ka thënë Fazliu.

Nga 36 mjekë specialistë të cilët  janë pranuar në konkursin e fundit,  22 nga ta do të fillojnë punën në QKUK dhe 14 të tjerë në Spitalet Rajonale në Prizren, Pejë, Gjilan dhe Vushtrri.

Ndërkaq dhe një psikolog  do të fillojë punën në Qendrën e Shëndetit mendor në Ferizaj

Mjekët e pranuar në QKUK:

Një mjek pecialist në Klinikën e Kardiologjisë

Tetë mjekë specialistë në Klinikën e Pediatrisë

Pesë  mjekë specialistë në Klinikën e Kirurgjisë së Përgjithshme- Abdominale

Një mjekë specialist i Kirurgjisë së Fëmijëve

Dy mjekë specialistë të Kirurgjisë Maksillofaciale

Dy mjek specialist të kirurgjisë në Klinikën e Kirurgjisë  Vaskulare

Një mjek specialist në Klinikën e Neonatologjisë

Një mjek specialist në Shërbimin klinik të Emergjencës

Një mjek specialist në Klinikën e Hematologjisë

Në Spitalin e Përgjithshëm të Pejës janë punësuar  tre mjek specialistë: Një mjek specialist oftalmolog,  një mjek specialist pediatër dhe një  mjek specilaist  Dermatovenerolog.

Ndërkaq në Spitalin e Përgjitshëm në Prizren pritet të fillojnë punën dy mjekë specialist:

Një mjek specialist endokrinolog dhe

Një mjek specialist gjinekolog

Edhe në Gjakovë pritet të fillojë punën një mjek specialist  i mjekësisë emergjente.

Ndërkaq  në Spitalin e Përgjithshëm të Vushtrrisë pritet të fillojë punën një mjek specialist i biokimisë.

Në Ferizaj pritet të fillojnë punën pesë mjekë specialistë:

Një gjinekolog

Një endokrinolog

Një oroped, një mjek specialist kirurg i Përgjithshëm dhe një mjek specialist-  mjekësi emergjente

Edhe Spitalit të Përgjithshëm të Gjilanit, do t’i shtohen dhe tre mjekë specialistë:

Një mjek specialist i pediatrisë

Një mjek specialist oftalmolog

Një mjek i përgjithsëm apo abdominal

Ndërkaq në Qendrën e Shëndetit mendor në Ferizaj, do të fillojë punën një psikolog klinik./Indeksonline/