40 persona të ardhur nga Shqipëria në Gjakovë akomodohen në kampin gjerman në Prizrenit
“Kampi në Prizren i pranoi të ardhurit nga Shqipëria. Po i dërgojmë atje. Faleminderit të gjithëve për ndihmën!”, ka shkruar Eranda Kumonava – Baçi në Facebook.
Më herët ajo në profilin e saj në Facebook kishte kërkuar ndihmë për sistemimin e këtyre 40 personave që kishin arritur në Stacionin e Autobusëve në Gjakovë.
“Në stacionin e autobusëve në Gjakovë janë 40 persona të ardhur nga Shqipëria që po presin për sistemim, janë nga radhët e komuniteteve Rom/Egjiptian, momentalisht nuk po gjejnë sistemim nga se të gjitha vendet janë të zëna”, ka shkruar Kumnova – Baçi.
Më 26 nëntor, në orët e para të mëngjesit, Shqipëria u godit nga një tërmet vdekjeprurës me magnitudë 6.4 të shkallës Rihter, ku mbetën të vdekur 40 persona. Zona më e prekur nga tërmeti është Durrësi.
Rreth 600 familje kanë mbetur pa strehim për shkak të shembjes së shtëpive apo banesave të tyre.
