Për të enjten parashikohet mot kryesisht i vranët dhe kohë pas kohe me reshje shiu, të cilat do të jenë të pranishme që nga orët e para të 24-orëshit. Reshjet lokalisht pritet të në formë të rrebesheve, kryesisht gjatë orëve të pasditës dhe mbrëmjes.

Temperaturat do të pësojnë ulje të mëtejshme, me minimale që do të luhaten prej 8 deri në 10°C, ndërsa ato maksimale prej 11-15 °C.

Era do të fryjë kryesisht nga kuadrati i juglindjes, e cila kohë pas kohe pritet të jetë e fuqishme, me shpejtësi prej 17-46 km/h! njofton Meteo Kosova percjell Gazeta e Prizrenit.