Arijanet Muric mund të largohet nga Burnley gjatë afatit kalimtar të janarit.

Portieri kosovar nuk është zgjedhja e parë e Vincent Kompany këtë sezon. Ai ende nuk ka regjistruar asnjë paraqitje në Premierligë, shkruan Gazeta Express.

Kësisoj, 24-vjeçari mund të ndryshojë ambient në afatin kalimtar dimëror, pasi ka tërhequr interesim nga disa klube të njohur evropiane.

Sipas gazetarit të njohur gjerman, Florian Plettenberg, Murici është i përqendruar te Burnley, por ai dëshiron të luajë të rregullisht.

Union Berlin dhe Sevilla janë klubet e interesuara për shërbimet e tij, pasi e vlerësojnë shumë lartë portierin dardan.

Klubet në fjalë mund të kërkojnë huazimin e tij në janar, duke përfshirë në marrëveshje edhe opsionin e blerjes.

Ndryshe, Aro Muric ka kontratë të vlefshme me klubin anglez deri në verën e vitit 2026. Bazuar në “Transfermarkt”, ai në tregun e transferimeve vlerësohet me 9 milionë euro.