Në komunën e Prizrenit ka filluar vendosja e numrave për shtëpitë dhe objektet tjera, projekt ky i Drejtorisë së Urbanizmit dhe Planifikimit.

Drejtori i këtij dikasteri, Pranverim Berisha, tha se projekti mundësohet nga Agjencioni Kadastral i Kosovës dhe financohet nga qeveria norvegjeze, ndërsa u shpreh se deri më tani janë vendosur rreth 27 mijë numra në fshatra dhe lagje të Prizrenit.

Sipas tij kanë mbetur edhe 24 mijë të tjerë për tu vendosur. Në këtë komunë janë planifikuar të vendosen rreth 51 mijë numra të tillë, raporton Tv Prizreni. Berisha u shpreh se me vendosjen e numrave në objekte, Prizreni do të jetë më afër përmirësimit të shërbimeve publike për qytetarët.

Ky projekt pritet të përfundojë deri më datën 25 prill të këtij viti…