Një automjet tip Volkswagen dyshohet të ketë humbur kontrollin në aksin Milot-Rrëshen, duke përfunduar i përmbysur në një parcelë në anë të rrugës.

Drejtuesi i automjetit dhe pasagjeri kanë marrë lëndime dhe janë dërguar në spital për ndihmë mjekësore. Pasi mjeti ka humbur kontrollin, është përplasur me disa pemë që janë në parcelë.

Kanë qenë kalimtarët e rastit ata që iu kanë dhënë ndihmën e parë të dëmtuarve.

Shkak i humbjes së kontrollit të drejtuesit të mjetit ka qenë shpejtësia e lartë. Policia ka nisur hetimet dhe po punon për zbardhjen e plotë të rrethanave të aksidentit.