Një aksident trafiku me pasoja të rënda ka ndodhur të mërkurën, më 24 dhjetor 2025, rreth orës 13:00, në Jarinjë, ku një automjet ka dalë nga rruga dhe është rrokullisur.

Sipas informatave, në aksident është përfshirë një veturë me tabela të Novi Pazarit.

Si pasojë e aksidentit, lëndime trupore ka pësuar një foshnje 6-muajshe, e cila ishte pasagjere në automjet.

Njësiti i trafikut rrugor ka dalë në vendin e ngjarjes, ndërsa hetimet preliminare tregojnë se deri te aksidenti ka ardhur si pasojë e mospërshtatjes së shpejtësisë me kushtet e rrugës, ku automjeti ka humbur kontrollin, ka dalë jashtë rrugës dhe është rrokullisur.

Foshnja e lënduar është transportuar për tretman mjekësor në Spitalin Rajonal në Mitrovicën e Veriut, ndërsa gjendja e saj po monitorohet nga stafi mjekësor.

Rasti është iniciuar dhe hetimet janë në vazhdim për të sqaruar plotësisht rrethanat e aksidentit.