Policia e Prizrenti ka kryer dje një aksion në rrugën “Ekrem Rexha” në prizren.

Nga kontrolli i banesave të dy të dyshuarve, policia ka konfiskuar narkotikë si marihuana dhe kokaina, para, e gjëra të tjera.

“Gjatë kontrollit në banesat e tyre janë gjetur dhe sekuestruar: tri qese najloni me substancë te dyshuar narkotike e llojit marihuanë me peshë 49.51 gramë, pesë qese me substancë narkotike e llojit kokainë me peshë 2.45 gramë, kartëmonedha 12×10€, 7×5€ ,dy pako rizlla, shtatë pako letre me qese najloni te zbrazura, një veturë me targa vendore, një grinder dhe tre telefona celular” thuhet në njoftimin e Policisë.

Në raportin policor bëhet e ditur se dy të dyshuarit janë intervistuar.

Me vendim të prokurorit, një nga të dyshuarit është liruar në procedurë të rregullt, ndërsa tjetri është ndaluar për 48 orë.

Rasti është inicuar si “Posedim i substancave narkotike”.