Policia për Hetimin e Krimeve Ekonomike dhe Korrupsion kanë kryer sot kontrolle në 6 lokacione të regjionin e Prizrenit.

Forcat e rendit kanë intervistuar 7 të dyshuar, derisa kanë sekuestruar rreth 10 mijë euro para e gjësende tjera

Policia e Kosovës njofton se pas hetimeve paraprake, sot hetuesit policorë nga Drejtoria për Hetimin e Krimeve Ekonomike dhe Korrupsion, kanë zbatuar urdhër kontrollin e Gjykatës Themelore në Prizren duke kryer kontrolle në gjashtë lokacione të ndryshme në rajonin e Prizrenit.

Më tej Policia tregon se kanë kontrolluar shtëpitë dhe objektet përcjellëse të personave të dyshuar nën dyshimin e bazuar se kanë konsumuar veprën penale të falsifikimit të parasë.

“Policia ka intervistuar shtatë persona të dyshuar (LK., B.D., Xh.B., B.B., V.B., P.K. dhe F.Q.) dhe gjatë kontrollit të pronave të të dyshuarve është arritur të sekuestrohen në cilësinë e provave materiale këto dëshmi: 9,930.00 euro, 380 franga zvicerane, 272 euro para metalik, 7 telefona celular, një pistoletë, 90 fishkë, dy karikatorë, dy boksa të hekurit, një shufër metalike dhe një elektro-shok.

“Paratë e sekuestruara në shtëpinë e të dyshuarit L.K., 272 euro (para metalike me prerje 2 euro), dyshohet se janë të falsifikuara ndërsa paratë në vlere prej 9,930.00 euro, janë sekuestruar pasi dyshohet se janë përfituar me vepër penale”, thuhet në njoftimin e Policisë.

Më tej Policia njofton se pas intervistimit të të dyshuarve, sipas udhëzimeve të prokurorit të çështjes, të dyshuarit janë liruar dhe ndaj tyre rasti do të zhvillohet në procedurë të rregullt./GS