Ky grup studentësh që për synim thonë ta kenë depolitizimin e UPZ-së, kanë kërkuar edhe shkarkimin e anëtarëve të Këshillit Drejtues të këtij universiteti, me arsyetimin se kanë bërë keqpërdorim të financave.

Ata po ashtu kanë kërkuar të kenë edhe bursa dinjitoze.Kryetari i Parlamentit Studentor Arianit Berisha, i cili mbajti fjalim para protestuesve ka kërkuar masa urgjente nga MASHT-i. Ky i fundit është parë edhe në aktivitete të PDK-së, si aktivist i partisë, shkruan Gazeta Blic.

Fotografi e publikuar në Facebook

Por se janë të ndikuar nga ish-menaxhmenti i kaluar i UPZ-së këtë e ka pohuar edhe ministri i Arsimit Shkencës dhe Teknologjisë, Shyqiri Bytyqi në një intervistë për “Gazeta Blic”.

“Ne duhet ta shqyrtojmë gjendjen, nëse ne gjejmë që fajtor është këshilli drejtues i emëruar nga Ministria e Arsimit nuk është problem për të zgjedhur këtë problematikë, por unë konsideroj që është një problematikë më e zgjëruar dhe problem duhet të zgjidhet Brenda universitetit. Une konsideroj që problemi është duke u shkaktuar nga ish-menaxhmenti i Universitetit të Prizrenit, të cilët po dëshirojnë të mos lejojnë ndryshimin”, u shpreh ai.