Në fillim si zakonisht ku ka edhe më së shumti debat mes kuvendarëve por edhe ekzekutivit, ishte pika e pyetjeve të kuvendarëve dhe përgjigjet e ekzekutivit. Kuvendarët parashtruan pyetje të ndryshme, që kanë të bëjnë me rregullimin e infrastrukturës rrugore, ndriçimit në adresë të drejtorit të Shërbimeve Publike, por edhe çështjen e pranisë së qenve endacakë në qytet për drejtorin e Bujqësisë.

 

Pyetjeve të këtyre iu dhanë përgjigje drejtori i Shërbimeve Publike, Islam Ukimeri dhe ai i Bujqësisë, Nderim Kadriaj. Ndryshe, kjo pikë zgjoi më shumë debat politik mes opozitës në njërën anë dhe pozitës në anën tjetër, kryesisht më akuza dhe kundërkauza mes tyre për çështje të ndryshme në sektorin e arsimit.

Pas një pauze të shkurtër, seanca më tej vijoi punimet sipas pikave të parapara në rendin e ditës, njofton Tv Prizreni. Por, për shkak të numrit të madh të pikave, seanca u kërkua që t’i ndërpres punimet dhe të vijoj ditën e premte, gjë që edhe ndodhi, pasi një kërkesë e tillë u miratua nga të gjithë të pranishmit në sallë.