Alishani: Derisa Kryetari Totaj bashkë me ekzekutivin e tij ka prioritet darkat e fundvitit fëmijët në çerdhe publike mbesin pa ushqim e pa nxemje
Sa ishte në opozitë, kryetari aktual i Prizrenit Shaqir Totaj së bashku me bashkëpunëtorët e tij më të ngushtë në vazhdimësi adresonte kritika rreth shujtave të nxënësve të ciklit të ulët në shkollat fillore të kësaj komune, të cilat jipeshin falas nga komuna.
Madje, gjatë fushatës elektorale patën premtuar shujta më cilësore, por kaluan tre vite qeverisje dhe ato kurrë nuk ju ofruan nxënësve.
Si rrjedhojë, asambleistja e LVV-së Dafina Alishani përmes një postimi në profilin e saj në ‘Facebook’ ka thënë se ky pushtet nuk është në gjendje të siguroj ushqim në çerdhën në lagjen “Bajram Curri”, duke detyruar prindërit që të përgatisin ushqim nga shtëpia. Alishani, njëherit ka thënë se dje nuk ka patur as nxemje, ku sot disa prindër nuk i kanë dërguar fare fëmijët e tyre në çerdhe.
“Derisa Kryetari Totaj bashkë me ekzekutivin e tij ka prioritet darkat e fundvitit fëmijët në çerdhe publike mbesin pa ushqim e pa nxemje!
Ky kryetar i cili i përqeshte shujtat apo me fjalët e tij “kiflet” e mandatit të kaluar nuk është në gjendje ti siguroj fëmijëve ushqim në çerdhen në lagjen Bajram Curri. I detyrojnë prindërit të përgadisin ushqim nga shtëpia.
Përveq ushqimit, një prind ka sinjalizuar që edhe mungesa e nxemjes është temë në këtë institucion. Dje nuk ka pasur nxemje dhe sot rrjedhimisht shumë prind nuk i kanë dërguar fëmijët në çerdhe.
Kjo qeverisje hapjen e çerdheve e ka vetëm për një arsye si prioritet, hapjen e çerdheve e shohin vetëm për punësim të stafit, e mirëqenien e fëmijëve askush nuk e mendon sepse kanë prioritete tjera.
Paaftësia e kësaj qeverisje, po ndikon në mirëqenien e fëmijëve, në punën e prindërve dhe në kohën e tyre në fund qytetarit po i kushton shumë.
A ka kush që jep përgjegjësi për këtë dështim? A ka kush që ofron zgjidhje?
Ku është Shaqiri, menaxheri i çertifikuar me diploma tê Obamës? Pse nuk po bënë zgjidhje ky menaxher i shquar?
Apo po vazhdojmë me citate e me storie të kota të këtij talenti. 😒”, thuhet në reagimin e Alishanit./04 Online
