Pas një pune hetimore të njësiteve relevante, policia ka arritur ta identifikojë dhe njëherësh ta arrestojë të dyshuarin me inicialet (R. S.), i cili ishte në kërkim policor.

Policia ka njoftuar se, “personi i dyshuar tanimë i arrestuar, dyshohej për përfshirje në veprën penale “vjedhje e rendë”, e kryer më 05 nëntor 2018 në Suharekë, me ç’rast ishin vjedhur para në vlerë prej njëmbëdhjetë mijë e tetëqind (11800) eurove”.

Lidhur me rastin janë ndërmarrë të gjitha veprimet e nevojshme procedurale, duke përfshirë intervistimin e personit të dyshuar, ndaj të cilit me urdhër të prokurorit të shtetit, i është shqiptuar masa e arrestit për 48 orë.