Në një elaborim të gjatë para gjykatës avokati Ramë Gashi, që në këtë rast e përfaqëson të akuzuarin Agim Çeku, ka paraqitur kundërshtimin e tij.

Sipas tij kjo kërkesë është e jashtëligjshme me faktin që vjen nga Prokuroria Speciale. Kjo pasi që sipas Gashit një kërkesë e tillë do të duhej të vinte nga Ministria e Punës dhe Mirëqenies Sociale për shkak që nëse ka dëme financiare ajo është palë e dëmtuar e jo Prokuroria e Shtetit.

Argumenti i dytë i Gashit është që 19 mijë e 500 veteranet të cilëve po kërkohet t’iu pezullohet pagesa nuk janë persona të dënuar e as nuk ka informata që të njëjtit janë duke u hetuar, pasi që pjesë e aktakuzës si të akuzuar janë anëtarët e komisionit e jo përfituesit.

Vendimi i gjykatës për masën e përkohshme për pezullimin e pensioneve do të vendoset jashtë seancës.

Vendimi do të jetë me shkrim dhe do t’u shpërndahet palëve.