Megjithëse, para mediave, Balje thotë se nga kryeministri në detyrë nuk morën ndonjë konfirmim, dhe as nuk dhanë një të tillë.

“Sot kemi pasur takimin e parë. Në fakt unë dola para kryeministrit, kërkesën të cilën ne e kemi si boshnjakë. Nuk kemi marrë asnjë konfirmim dhe nuk kemi dhënë asnjë konfirmim, domethënë është takimi i parë, jemi në fazën e bisedimeve dhe asgjë më konkrete. Kërkesat janë për komunën e boshnjakëve, reforma në arsim, dhe tretmani i barabartë i deputeteve që kanë nga një votë në Kuvend”, tha ajo.

Tutje, deputetja tha se nuk kanë caktuar një takim të radhës, derisa kur pyetet për votën për kryeparlamentar, tha se gjithçka varet nga diskutimet në seancën konstituive të 15prillit.

“Nuk kemi caktuar takim të ardhshëm. Kemi folur, ne jemi pjesë e Kuvendit, kemi të drejtë me fol me secilin, me fol me çdo parti. Kushtet janë të njëjta për çdo parti.  Varet nga bisedat që do t’i kemi në këto 15 ditë”, tha Balje.