KF Ballkani ka njoftuar se biletat për ndeshjen kthyese ndaj Santa Colomas do të jenë falas për shikuesit.

Ballkani do ta zhvillojë ndeshjen e dytë ndaj kampionit të Andorrës në “Zahir Pajaziti” në Podujevë të martën, në kuadër të rrethit të parë kualifikues për Ligën e Kampionëve.

Dueli zhvillohet nga ora 16:30 dhe të gjithë ata që do të shkojnë për ta parë kampionin, nuk kanë për të paguar biletë.

Duelin e parë Ballkani e fitoi me rezultat 2-1, me një gol fitues të vonë nga Bernard Karrica, me ‘portokallinjtë’ që tashmë kanë gjasat e mëdha për të kaluar në rrethin e dytë të garës./GSS