Me rezultat të përgjithshëm 4-2, Ballkani kalon për herë të dytë radhazi në fazën e gupeve të Ligës së Konferencës, një arritje e madhe për klubin tonë.

Enea Koliqi ishte në formë të lartë duke bërë dy pritjeve të bukura në fillimin e ndeshjes.

Një goditje e Nazmi Gripshit u bllokua nga mbrojtja, para se Bate Borisov të shënonte.

Zhvillohej minuta e 30-të, kur një gabim i Lorenc Trashit para mbrojtjes bën që të përfitojnë lojtarët bjellorus, duke shënuar me Artem Kontsevoy nga afër për 1-0.

Goal! | Artem Kontsevoj | BATE Borisov 1-0 KF Ballkanipic.twitter.com/xAozuVldjU

— FootColic ⚽️ (@FootColic) August 31, 2023

Pas golit të pranuar Ballkani filloi të luajë, ku Qëndrim Zyba në minutën e 38-të gjuajti nga distanca ngjitur me shtyllën.

Pjesës së parë edhe njëherë Koliçi doli në skenë me një pritje të bukur.

Në pjesën e dytë BATE Borisov vazhdoi me sulme, ndërsa skuadra jonë mbrohej mirë, edhe pse në disa raste Koliçi ishte shpëtimtar.

Ballkani përmes kundërsulmit ka mundur të mbyll takimin, ku në minutën e 59-të, Almir Kryeziu del i vetëm me portierin, por ngatërrohet me topin dhe goditja e tij bllokohet nga një mbrojtës bjellorus.

Tjëtër rast të mirë kishte Albin Berisha, i cili po ashtu doli i vetëm me portierin, por gjuajtja e tij shkoi jashtë.

Në 20 minutat e fundit, Ballkani u kthye shumë prapa, duke rrezikuar të pranojë golin e dytë, por në disa raste mbrojtja, në disa raste portieri Koliçi dhe në disa raste fati ishte me ta, duke e mbajtur portën e paprekur.