Prandaj kur avancojnë në pushtet, të humbur në shifra milionëshe, komunat i sjellin në kolaps financiar, ekskluzivisht shkaku i mendësisë elektorale më të cilën udhëheqin gjatë gjithë kohës, shkruan sot “Koha Ditore”.

Në një intervistë për “Kohën Ditore” menaxheri i programit të qeverisjes lokale në Institutin Demokratik të Kosovës (KDI), Naim Cahani, thotë se të ndodhura përballë presionit të zgjedhësve, kryetarët e komunave, në vitin e fundit qeverisës, zakonisht anashkalojnë procedurat ligjore në menaxhimin e financave publike.

Kjo ka prodhuar krizë financiare në shumë komuna të Kosovës. Cahani mendon se borxhet enorme janë krijuar edhe nga inicimi i procedurave për realizimin e projekteve pa zotimin paraprak të mjeteve financiare.

Ai e cilëson të vonshëm reagimin e Qeverisë së Kosovës për borxhet e komunave dhe thotë se për këtë çështje së pari ka alarmuar shoqëria civil.