Një e mitur ka paraqitur në Polici një burrë në Prishtinë, pasi ky i fundit dyshohet se ka kryer veprime të pahijshme ndaj saj.

Policia e Kosovës njofton se rasti është iniciuar si “degradim i integritetit seksual”.

“Ankuesja femër kosovare, e mitur ka raportuar se derisa ishte ulur afër një parkingu një person i moshës madhore kishte bërë veprime të pahijshme, me ç’rast e njëjta ishte ndier e frikësuar dhe e rrezikuar”, thuhet në raportin e policisë.

Hetimet lidhur me rastin janë duke vazhduar. / BD