Ashtu siç e kishte paralajmëruar, gazetari Çim Peka ka publikuar mbrëmjen e sotme një video nga takimi sekret i ish-kryedemokratit Lulzim Basha me kreun e Grupit Parlamentar të partisë Socialiste, Taulant Balla në 3 dhjetor 2022.

Siç shihet në pamjet e transmetuara në Syri Tv , Basha mbërrin i pari me një automjet tip “Jeep” me targa AA 751 MO dhe futet në vendin e takimit, në një apartament dhe pas tij mbërrin deputeti Balla.

Në orën 18:04 minuta, Lulzim Basha futet në banesën e caktuar për takimin. Në 18:27 minuta, mbërrin edhe Taulant Balla. Taulant Balla largohet i pari, nga banesa ku u mbajt takimi, në orën 19:26 minuta, duke marrë ashensorin.

Ndërsa në orën 19:45 minuta, është Lulzim Basha ai që largohet nga apartamenti i mikes së tij, duke zbritur shkallët në këmbë dhe me vrap.

Flitet se Balla dhe Basha janë takuar edhe tek një resort, si dhe në disa ambiente të tjera në Tiranë, takime të cilat gjithnjë janë mohuar nga politikanët. Ndërsa ajo që mund të themi është se nuk dihet se çfarë kanë diskutuar konkretisht dy politikanët gjatë atij takimi.