Dështon përsëri mbledhja – Hekuran Murati nuk zgjidhet kryetar i Kuvendit
Përpjekja e Lëvizjes Vetëvendosje për ta zgjedhur Hekuran Muratin si kryetar të Kuvendit ka dështuar.
Në seancën konstituive të mbajtur sot, kryesuesi Avni Dehari njoftoi se kandidatura e Muratit nuk arriti të marrë numrin e nevojshëm të votave, duke siguruar vetëm 57 vota pro.
Kjo ishte hera e parë që emri i Muratit doli në votim për këtë pozitë, por pa sukses në kalimin e pragut të nevojshëm për t’u zgjedhur.
Pas kësaj, kryesuesi i seancës Avni Dehari e ndërpreu seancën, duke njoftuar se vazhdimi do të bëhet pas dy ditësh.
Lexo edhe:
Editorial: A po e anashkalon Shaqir Totaj – Vrrinin, bastionin tradicional të PDK-së?!
Ndryshe, në seancën e kaluar që u zhvilluar dy ditë më parë, VV-ja propozoi dy emra për këtë pozitë, atë të Albulena Haxhiut dhe atë të Donika Gërvalles. /GS
