Presidenti i Shteteve të Bashkuara të Amerikës, Donald Trump, i ka njoftuar të gjithë anëtarët e Kongresit Amerikan se udhëheqësi i Shtetit Islamik, Abu Bakr al-Baghdadi, ka vdekur.

“Ne kemi njoftuar disa dhe të tjerët po njoftohen tani derisa po flas”, ka thënë Trump, shkruan CNN, transmeton Klan Kosova.

Kujtojmë se sot gjatë ditës një zyrtar amerikan i cili ka folur në kushte anonimiteti, ka thënë për Reuters se Bagdadi ishte në shënjestër të një sulmi të kryer nga amerikanët gjatë natës, por ai nuk ka treguar nëse operacioni u krye me sukses.

Ndërsa tani presidenti amerikan e ka konfirmuar se udhëheqësi i organizatës më të madhe terroriste, përfundimisht ka vdekir.