Që nga e mërkura zyra e Drejtorisë për Mbrojtje dhe Shpëtim në Rahovec është e mbyllur.

Udhëheqësi i saj, Kujtim Dina, vendosi ta lë detyrën e edhe Kosovën.

“Ai ka pas një kërkesë për lirim nga detyra për arsye personale, bashkim familjar, është i fejuar në Gjermani dhe ka shku me jetu atje” tha kryetar i Rahovecit, Smajl Latifi.

Latifi e lavdëroi ish drejtorin për punën gjashtë mujore në mandatin e tij të parë në këtë pozitë.

E vet Dina që largimin e kishte komunikuar në llogarinë personale në Facebok, gjatë të premtes nuk i ktheu përgjigje Klanit rreth kësaj çështjeje.

Vendin e tij nuk dihet se kush do e zë, por aktualisht punët i janë deleguar Drejtorit për Shërbime Publike, Përparim Krasniqi.