E çuditshme: ‘Koalicioni i Shpresës’ ka shpenzuar më shumë para në fushatë se sa ‘PAN-i i korruptuar’
Lidhja Demokratike e Kosovës i prin listës së shpenzimeve të bëra gjatë fushatës zgjedhore. Partia e Isa Mustafës pasohet nga Vetëvendosja e Albin Kurtit. Vendin e tretë e zë koalicioni AAK-PSD, ndërsa të katërtin Partia Demokratike e Kadri Veselit.
Komisioni Qendror Zgjedhor sot ka publikuar raportin financiar se sa kanë harxhuar partitë politike për fushatën zgjedhore.
Në krye të listës është Lidhja Demokratike e Kosovës – e cila ka harxhuar hiç më pak se 730 mijë e 146.87 euro për paga, reklama, transport dhe shpenzime të tjera, shkruan Insajderi.
Shpenzimet e LDK-së|Fushata zgjedhore 2019
Menjëherë pas – radhitet Vetëvendosje e Albin Kurtit e cila po pretendon të ketë bashkëpunim me Lidhjen Demokratike të Isa Mustafës.
Shpenzimet e VV-së|Fushata zgjedhore 2019
Lëvizja për fushatë ka shpenzuar saktësisht 451 mijë e 979.85 euro, shkruan Insajderi.
Dy partitë që po synojnë të bëhen “Koalicion i Shpresës” – bashkërisht kanë harxhuar mbi 1 milion e 182 mijë euro.
Ndërsa partitë e krahut të kundërt që dikur ishin PAN, e që nga Vetëvendosje konsideroheshin të korruptuar, kanë shpenzuar shumë më pak për fushatën e zgjedhjeve të 6 tetorit, shkruan Insajderi.
AAK-PSD kanë harxhuar saktësisht 346 mijë e 544,15 euro, PDK 316 mijë e 346.32 euro, ndërsa koalicioni Nisma-AKR-PD 115 mijë e 863.80 euro.
Shpenzimet AAK-PSD|Fushata zgjedhore 2019
Shpenzimet e PDK-së|Fushata zgjedhore 2019
Shpenzimet Nisma-AKR-PD|Fushata zgjedhore 2019
Ndryshe, Vetëvendosje ka dalë e para në zgjedhje duke fituar 29 deputetë, LDK 28, PDK 24 deputetë, AAK-PSD 13 dhe Nisma Socialdemokrate 6 deputetë.
