Një ngjarje e rëndë ka ndodhur mëngjesin e 16 shtatorit në fshatin Carralevë të Shtimes, ku një person ka humbur jetën tragjikisht pasi u zën nga traktori.

Sipas burimeve të Gazetës Sinjali, viktima është identifikuar si Xhavit Boka, rreth 45 vjeçar, i cili kishte dalë për të tërhequr dru me “sajlle”. Në momentin kritik, pesha e druve ka tërhequr traktorin e cili ishte statik, duke e rrokullisur teposhtë dhe zënë viktimën.

Në vendin e ngjarjes kanë dalë njësitë policore dhe ekipi mjekësor, të cilët rreth orës 09:25 kanë konstatuar vdekjen e tij.

Me urdhër të Prokurorit, rasti është iniciuar si “Hetim mbi vdekjen”, ndërsa trupi i pajetë është dërguar për obduksion në IML-Prishtinë.