Njohës të çështjeve të arsimit po kërkojnë që Ministria e Arsimit dhe Shkencës (MASH) të ndërmarrë disa veprime përgatitore para shtatorit, kur nis viti i ri shkollor. Kjo, meqë mësimi mund të fillojë online për shkak të pandemisë COVID-19.

Edhe vetë ministri, Ramë Likaj, ditë më parë ka paralajmëruar se gjasat janë shumë të mëdha që viti shkollor 2020/2021 të mos fillojë në shkolla, por nga distanca.

Përveç përgatitjeve të tjera, sipas ekspertëve, Ministria duhet të mbajë edhe trajnime për mësimdhënësit, pasi një pjesë e tyre nuk e zotërojnë mirë teknologjinë.