Për vite të tëra në derën ku Hysri Peqani kryente veprimtarinë e tij si mjek popullor u drejtuan shumë persona. Disa herë në publik,ai deklaronte se është vizituar nga shumë politikanë e fytyra të njohur të Kosovës, që përveç qytetarëve Burdushin e shihnin si zgjidhje.

Mirëpo, problemet e tij me drejtësinë filluan kur një nga klientët ia vuri në pikëpyetje veprimtarinë dhe e akuzoi për mashtrim, duke thënë se Peçani ia ka marrë atij 2 mijë euro, por, pa rezultat.

Për këtë akuzë ai foli publikisht në Frontal në T7, duke u deklaruar se do të përballej me drejtësinë, nëse ajo se cka pohonte ish-klienti i tij do të ishte e vërtetë.

Kjo u pa si shqetësuese nga organet e drejtësië, që të premten paradite u drejtuan në shtëpinë e Peçanit për të kryer bastisje.

Të gjithë ata pacientë që kishin bërë termine për kontroll u detyruan të kthehen mprapa.

Nga ky aksion që zgjati disa orë e që Express e ka përcjellë nga afër u gjetën shumë gjëra të dyshimta.

Nga ajo shtëpi u morën armë, plumba, telefona e madje dhe videoincizime nga brenda dhomës ku Peqani mbante seanca me pacientë.

Sic mëson Gazeta Express, Burdushi në mënyrë të fshehur ka gjiruar të gjithë ata persona që janë drejtuar të ai për ndihmë, e të gjitha këto janë të ruajtura e në dorë të prokurorisë.

U gjetën gjithashtu edhe armë, të cilat iu kishte skaduar afati i lejës dhe një numër i madh i plumbave.

Mirëpo, kjo nuk ishte e tëra. Edhe pse Peqani vazhdonte të insistonte se në shtëpinë e tij nuk gjenden gjurmë të gjërave që mund të konsiderohen të jashtëligjshme, policia gjatë kontrollit gjeti edhe një dosje me shuma të mëdha të parave të dokumentuara që Burdushi i ka marrë për fajde.

Të gjitha këto qenë prova të mjaftueshme që Hysri Peqani të vihet nën pranga. Pas disa orë kontroll, Burdushi u arrestua.

Duke folur për Gazetën Express pas këtij aksioni, Prokurori Petrit Kryeziu tha se shqetësimin për këtë rast e morën nga deklaratat e dhëna në T7.

“Prokuroria Themelore në Prizren pas informatat e marra lidhur me dyshimet për veprën penale shmangie nga tatimi dhe mashtrim për faktin se kemi informata dhe dyshime se personi në fjalë është duke mashtrues qytetarët dhe është duke vepruar pa licencë adekuate siç e she ligji për mjekësinë”, tha Kryeziu.

Prokurori gjithashtu tregoi se çka është gjetur gjatë bastisjes.

“Po gjatë bastisjes kemi has edhe në armë, kemi gjetë dy armë, një e gjatë dhe një e shkurtë, kemi hasur edhe në monucion që është sekuestruar me urdhër të prokurorit”, deklaroi Kryeziu.

Edhe pse bastisja ndodhi me dyshimet për shmangie tatimi dhe mashtrim, tashmë Peqani po dyshohet edhe për dy vepra tjera penale si armëmbajtje pa leje dhe ushtrim i kundërligjshëm i veprimtarive mjekësore.

Burdushi është vënë në prangat e Policisë dhe është ndaluar për 48 orë.

Express gjatë ditës ka raportuar se këto veprimtari të shumta të jashtëligjshme mund t’i kushtojnë mjekut popullor deri në 12 vite burg.