Dr. Fejzë Kabashi, kandidat për Kuvendin e Komunës së Prizrenit nga radhët e Lidhjes Demokratike të Kosovës (LDK), ka deklaruar se me ardhjen e LDK-së në qeverisjen komunale, sektori i mirëqenies sociale do të ketë trajtim të veçantë, raporton Gazeta e Prizrenit.

Ai thekson se do të dizajnohen programe dhe projekte konkrete, nga të cilat do të përfitojnë drejtpërdrejt familjet në nevojë në Komunën e Prizrenit, duke e kthyer këtë sektor në një nga prioritetet kryesore të qeverisjes së ardhshme lokale.

Postimi i Dr, Kabashit:

Me qeverisjen e Komunës nga #LDK113, ky sektorë do të ketë trajtim të veçantë, programe/projekte nga të cilat do të fitojnë direkt familjet në nevojë në Komunen e Prizrenit.

Përgjatë dy viteve sa kam menaxhuar me këtë sektor, vetem nga programi i “ndërtimit të #shtëpiave për familjet në nevojë”(i filluar si i tillë për herë të parë), janë #ndërtuar 100 shtëpi

50 shtëpi, sipas formës “Pikën jashtë”

50 shtëpi komplet edhe të mobiluara (marrëveshje me Jetimat e Ballkanit – e para në Kosovë dhe shembull i të gjitha komunave)

Me LDK-në në pushtet, në katër vitet e ardhme do të #NDËRTOHEN mbi 300 shtëpi të tilla (nuk do të ketë më familje nevojtare, që posedon truall/parcellë, pa banim të sigurtë).

Ndërsa, sa i përket katër viteve që po lëmë pas, u pa një shkelje e familjeve në nevojë, e shtresës me më së shumti nevojë.

Andaj, përkrahja për Driton Selmanaj -Kryetar dhe Dr. Fejzë Kabashi 20-Kuvendar do të jenë paralel me mbështetjen tonë për qytetin tonë