Pos Çoçajt, në këtë rast të akuzuar janë edhe Bekim Thaçi dhe Bedri Çejku.

Ata akuzohen nga Prokuroria Themelore në Prizren se kanë keqpërdorur mjetet e ndara për manifestimin “Java e Remzi Ademajt”, i mbështetur nga Komuna e Prizrenit.

Fjala përfundimtare ishte e paraprë të jepej më 2 nëntor por një ditë më parë prokurori i çështjes, Mehdi Sefa, kishte dorëzuar një parashtresë në Gjykatë, nëpërmjet së cilës e ka njoftuar se për shkak të përkeqësimit të gjendjes shëndetësore, është detyruar të marrë pushim mjekësor.

Gjykata Themelore Prizren kishte shpallur aktgjykim dënues, ashtu që i akuzuari Çoçaj ishte dënuar me 3 vjet burg, ndërsa Thaçi me 14 muaj e Çejku me 6 muaj burg.

Por Gjykata e Apelit rastin e kishte kthyer në rigjykim, me arsyetimin e se kemi të bëjmë me dy ekspertiza të ndryshme dhe në kundërthënie me njëra-tjetrën.