Fshati Banjë e Malishevës hiqet nga Karantina
Fshati Banjë e komunës së Malishevës sot hiqet nga karantina, në të cilën u vendos një muaj më parë.
Këtë vendim e ka marrë ministri në detyrë i Ministrisë së Shëndetësisë, Arben Vitia.
Vendosja e karantinës për fshatin Banjë, kishte ndodhur pas konfirmimit të disa personave të prekur me COVID-19.
Në fshatin Banjë, ishin regjistruar 26 raste të prekur me COVID-19, ndërsa 18 prej tyre janë shëruar plotësisht, në kurim e sipër janë dhe 7 persona, ndërsa një persona ka vdekur.
Më poshtë gjeni njoftimin e plotë të Komunës së Malishevës.
Nga sot, fshatit Banjë në Komunën e Malishevës, i hiqet karantina, e vendosur gati një muaj më parë, përkatësisht me 6 prill të këtij viti. Ky vendim i ministrit të Ministrisë së Shëndetësisë hynë në fuqi sot, apo siç shkruhet në vendim, në ditën e nënshkrimit, që mbanë datën 02.05.2020.
Vendosja e karantinës për fshatin Banjë, kishte ndodhur pas konfirmimit të disa personave të prekur me COVID-19.
Me këtë rast Komuna e Malishevës, i falënderon të gjithë banorët e fshatit Banjë, për disiplinën e treguar për zbatimin e masës së karantinës.
Në fshatin Banjë, ishin regjistruar 26 raste të prekur me COVID-19, ndërsa 18 prej tyre janë shëruar plotësisht, në kurim e sipër janë dhe 7 persona, ndërsa një persona ka vdekur.
