Kryetari i Prizrenit, Mytaher Haskuka, ka thënë që nuk e sheh problematike që deputetja e Lëvizjes Vetëvendosje, Drita Millaku, e ka shpallur kandidaturën për kryetare të kësaj komune.

Haskuka tha se tashmë janë procedurat që përcaktohen nga statusi lidhur me kandidaturat por që tash janë ndërruar dhe ai thotë se nuk mundet të paragjykojë.

“Nuk muj me paragjyku kurrgjë. Do të varet varësisht prej kërkesave do të shikojmë. Ka njerëz të cilët kërkojnë të kandidoj”, ka thënë Haskuka në Klan Kosova.

“Një gjë është shumë e mirë që në Vetëvendosje çdo person mundet me i paraqitë aspiratat e veta edhe nuk është diçka problematike”.

“Nuk shoh kurrgjë problematike në këtë aspekt; çdo person mund ta paraqesë kandidaturën”.

I pyetur nëse Millaku e kishte përkrahur apo kundërshtuar për punën e tij në Prizren, Haskuka tha se këto gjëra janë personale dhe refuzoi që t’i komentojë.

Mirëpo Haskuka pohoi se ai e ka jetësuar sloganin e Albin Kurtit që “Myta ka me e mytë korrupsionin” pasi që thotë të kenë bërë reforma në secilën fushë duke shërbyer si shembull me punën e tyre.