Në gjykimi ndaj ish-kryetari të Malishevës Ragip Begaj dhe të tjerëve, dëshmitari Fatmir Limaj deklaroi se është bërë një dëme i madh mos funksionalizimi i Zonës Ekonomik në Malishevë pasi që do të krijoheshin fitime deri në 50 ose 60 milionë euro.

Tutje, dëshmitari Limaj tha se vendimi për mos themelim të kësaj zonë është tërësisht politik dhe se në pozitën e të akuzuarve duhet të jenë personat që kanë ndaluar themelimin e kësaj zone dhe jo individët që janë tashmë prezent në akuzë, raporton “Betimi për Drejtësi”.

Gjithashtu Limaj tha se ndihet krenar që sa ishte pjesë e Qeverisë dhe që kishte votuar një propozim të tillë për themelim të kësaj zone.

Limaj tha po ashtu se vendimi për themelim të kësaj zone ishte edhe me propozimet e vet agjencisë së specializuar KIESA dhe se i kishte kaluar të gjitha kriteret e përcaktuar për tu themeluar si zonë ekonomike.

Ndërkaq, i pyetur nga prokurori special Naim Abazi, dëshmitari Limaj tha se shkarkimin nga pozita e ministrit tani të akuzuarit Hasani nuk kishte të bënte lidhur me këtë propozim për themelim të kësaj zone dhe se programi ishte asisoj që të bëhen ndërrime të ministrave.

Lidhur me këtë pyetje paraprakisht kishte kundërshtim nga mbrojtësi i të akuzuarit Hasani, avokati Ymer Huruglica që të mos pyetet për dëshmitë që ka dhënë klienti i tij në prokurori pasi që nuk lejohet.

Por trupi gjykues mori aktvendim dhe lejoi parashtrimin e kësaj pyetje nga prokurori Abazi.

Dëshmitari Limaj po ashtu sqaroi se për këtë zonë ekonomike Qeveria e Kosovës kishte nënshkruar afro 20 memorandume të bashkëpunimit me biznese nga diaspora që të sjellin praktika e bizneseve evropiane në këtë zonë.

Po ashtu dëshmitari Limaj shtoi se kjo nuk ishte zone ekonomike vetëm për qytetin e Malishevës, por për shkak të pozitës së saj se ku do të themelohen konsiderohej se ishte në një pozitë që do të shërbente si zonë ekonomike në nivel republikanë.

Tutje, dëshmitarit Limaj theksoi se ndërtimi dhe shpronësimet për themelimin e kësaj zonë do të arrinte vlerën e 10 milionë eurove.

Lidhur me propozimin për themelim të zonës në fjalë, dëshmitari Limaj tha se gjithnjë në Kosovë kur tentohet të punohet të krijojnë probleme që nuk mund të imagjinohen.

Paraprakisht në këtë seancë dëshminë e dha edhe Ramush Haradinaj i cili në pyetjen e mbrojtësi të të akuzuarit Hasani, avokatit Ymer Huruglica tha se fillimisht propozimi për krijimin e kësaj zonë në Malishevë ishte kthyer për plotësim, kurse në herë e dytë propozimi për krijim të zonës ka kaluar.

Në lidhje me propozimin për krijimin e zonës Ekonomike në Malishevë, dëshmitari Haradinaj tha se ishte orientim i Qeverisë në atë kohë që të bëjë themelimin e zonave biznesore me qëllim që para investitorëve të dalin sa më serioz.

Për aprovimin e kërkesë për themelim të kësaj zonë, dëshmitari Haradinaj tha se kërkesa ka kaluar standardin e kërkuar ligjor  për votim kolektiv nga Kabineti i Qeverisë .

Dëshmitari Haradinaj po ashtu tha se nuk ka pasur presione politike nga partneri i koalicionit në Qeveri që të  aprovohet kërkesa e tillë për themelim të kësaj zone pasi që sipas tij, po të kishte kushtëzime do ta prishte koalicionin menjëherë.

Seanca e së martë përfundoi pasi që nuk kishte  dëshmitar të tjerë prezent për të dëshmuar duke u caktuar e radhës me 6 tetor 2023.

Haradinaj dhe Limaj në Gjykatë për të dëshmuar në gjykimin ndaj ish-kryetarit të Malishevës dhe të tjerëve të akuzuar për korrupsion

Prishtinë-Në Gjykatën Themelore të Prishtinës në shqyrtimi gjyqësorë në çështjen penale ndaj akuzuarve Ragip Begaj, Hajdin Berisha, Bashkim Krasniqi, Malë Krasniqi, Bajram Hasani, Faton Thaqi, Nazmi Kafexholli dhe Ahmet Rrahmanaj, prezent për të  dhënë  dëshminë  e tyre janë paraqitur  ish-kryeministri i Kosovës Ramush Haradinaj dhe ish-zëvendëskryeministëri Fatmir Limaj.

Në cilësi të dëshmitarit Haradinaj dhe Limaj janë  propozuar nga mbrojtësi i të akuzuarit Bajram Hasanit, avokati Ymer Huruglica, raporton “Betimi për Drejtësi”.