Rahoveci e nisi ndeshjen më mirë, duke e fituar çerekun e parë me rezultat 23:17.

Por, therandasit nuk kishin udhëtuar për t’u dorëzuar dhe në periudhën e dytë ishin më të mirë, duke e fituar 19:13, duke bërë që skuadrat të shkojnë në pushim me rezultat 36:36.

Megjithatë, vendasit të përkrahur nga publiku fituan periodën e tretë 19:15, duke e bërë ndeshjen shumë interesante. Dhjetëminutëshi i fundit ishte dramatik deri në sekondat e fundit.

Mysafirët rikthehen në lojë, duke kaluar edhe në gjashtë pikë në epërsi, por vendasit nuk dorëzohen dhe arrijnë të afrojnë rezultatin në 68:69, megjithatë, gjuajtja e fundit e Javis Howard nuk ishte e saktë dhe Ylli fitoi derbin e kësaj xhiro.

Javis Howard me 25 pikë dhe tetë kërcime ishte më i dalluari te Rahoveci, kurse Darell Davis debutoi me 17 pikë, shtatë kërcime dhe pesë asistime, derisa te mysafirët u dalluan Samir Zekiqi me 22 pikë, Alante Fenner me 17 pikë dhe Valon Bunjaku me 14.Rahoveci tani ka 11 fitore dhe 3 humbje, kurse Golden Eagle Ylli 9 fitore dhe 3 humbje.