Hajnat ia demolojnë shtëpinë një mërgimtari në Malishevë, vjedhin dy armë zjarri
Cak i hajnave është bërë një shtëpi në fshatin Bubavec të Malishevës, që shtëpia ishte lënë pa përkujdesje, raporton Gazeta Sinjali.
Rasti është raportuar në Polici dje, nga pronari i shtëpisë, i cili ka deklaruar se nuk ka qenë në shtëpi që nga muaji shkurt, pasi jeton në Gjermani.
Me të marrë lajmin, njësitet policore kanë dalë në vendin e ngjarjes, ku është bërë shikimi dhe fotografimi i vendit të ngjarjes.
Burimet e Sinjalit bëjnë me dije se në vendngjarje vërehet se persona të dyshuar kanë depërtuar me forcë shtëpinë e ankuesit, ku kanë demoluar shtëpinë si dhe kanë kryer vjedhjen.
Pronari i shtëpisë ka deklaruar në Polici se hajnat i kanë vjedhur dy armë, të cilat i posedonte me leje. Sipas tij, të dyshuarit i kanë vjedhur edhe lejet e armëve.
Në lidhje me rastin është njoftuar edhe Prokurori, ndërsa hetimet për zbardhjen e rrethanave dhe kapjen e të dyshuarve janë duke vazhduar.
P.S Ballina, foto nga arkivi
