Kryeministri në detyrë, Ramush Haradinaj, ka marrë pjesë në inaugurimin e një shkolle moderne sot në Tërrnje të Suharekës.

Ai ka thënë se nuk ka simbolikë më të fuqishme se të fillojë viti i ri shkollor me një shkollë të re moderne , njofton Klan Kosova.

“Ky projekt i Komunës i përfunduar për një vit, si rezultat i angazhimit të kryetarit Bali Muharremaj, dëshmon përkushtimin tonë për edukimin”.

“Si Qeveri, kemi rritur buxhetin për arsimin për 12 për-qind dhe kemi miratuar Ligjin për arsimtarët e viteve 90-ta që ua njeh atyre të drejtat e mohuara për dy dekada, kurse me Ligjin e Pagave, kanë përfituar rritje edhe mësuesit dhe arsimtarët”.

“Jemi të përkushtuar për rritjen e cilësisë së edukimit, sipas standardeve europiane”.