Incidenti në Prizren: E ndjekin 15-vjeçin, ia rrëmbejnë vëllain
Me motor e makina disa persona i shkuan familjes Elshani në Prizren para pak ditësh, pak para orës 4 të mëngjesit.
Ata po ia kërkonin djalin 15 vjeç me të cilin thanë se kishin probleme, por që në mungesë, ia rrëmbyen djalin tjetër 17 vjeçar.
“Njëri ia kap kryt, i mshojnë boks në kry. Ka pas nevojë për punë djali dhe ka punu tek ta”, thotë nëna e tij.
Nëna e të dyve po pretendon se të dyshuarit, qëllim kishin të kryenin vrasje.
Njëri nga të dyshuarit është ndaluar fillimisht për 48 orë, por më pas gjykata ka caktuar masën e dorëzanisë, duke e liruar nga ndalimi.
Prokuroria ka bërë të ditur se po shqyrtohet edhe çështja e punësimit joformal të të miturit, në bashkëpunim me Inspektoratin e Punës dhe Administratën Tatimore të Kosovës (ATK).
Me rastin po merren organet e hetuesisë.
