Ish-krerëve të UÇK-së në Hagë u është kufizuar qasja në mediat e Kosovës
Ata mund të shohin vetëm televizionin publik RTK. Qasja ne kanalet tjera kosovare në të cilat kishin më herët, u është ndalur.
Të paraburgosurit nuk kanë marrë ndonjë shpjegim për këtë kufizim, pos gjoja problemeve teknike.
Zyra per media e Gjykatës Speciale ka dhënë të njëjtin arsyetim.
”Të paraburgosurit kanë qasje në disa programe në gjuhën shqipe, sipas sistemit satelitor të vendosur në qendrën e paraburgimit. Arsyeja pse disa kanale nuk janë në dispozicion është teknike”, thuhet në një përgjigje të Gjykatës Speciale për Kanal 10.
