Mërgimtaret vetëm gjatë muajit qershor kanë sjell para “kesh” në Kosovë në vlerën prej 123.9 milionë euro, që paraqit një rritje prej 18  për qind më shumë se në periudhën e njejtë të vitit paraprak.

Ndërsa vlera e remitancave deri në fund të qershorit 2023 shënoi rreth 635 milionë euro, që paraqet rritje prej 13% krahasuar me periudhën e njëjtë të vitit 2022.

Sipas të dhënave të Bankës Qendrore të Kosovës (BQK) në muajin qershor nga Gjermania vlera e remitancave ishte 38.1 %, e pasuar nga Zvicrra me 17.6 %  dhe rreth 7.5 % të ardhura nga Shtetet e Bashkuara të Ameriës.

“Remitancat në muajin qershor 2023 ishin 123.9 milionë euro, që paraqet rritje prej 18%  krahasuar me periudhën e njëjtë të vitit 2022. Prurjet më të mëdha të remitancave gjatë këtij muaji ishin përmes agjencive për transferimin e parave dhe kanaleve tjera, konkretisht përmes IFJB 58.4 %, bankave 15.4% dhe kanalet tjera 26.2%.

Vlera remitancave deri në fund të qershorit 2023 shënoi rreth 635 milion euro, që paraqet rritje prej 13% krahasuar me periudhën e njëjtë të vitit 2022.

Remitancat kryesisht vijnë nga shtetet BE-së rreth 60% e gjithsej remitancave, prej të cilave kryeson Gjermania me 38.1% dhe ndiqen nga Zvicra me 17.6% dhe SHBA rreth 7.5%.

Sipas vlerësimeve preliminare remitancat për muajin korrik ishin rreth  116 .8 milion euro.

Prurjet më të mëdha edhe gjatë këtij muaji  kanë qenë përmes IFJB 50.9 %, ndërsa përmes bankave 18.5% dhe kanalet tjera 30.5%”, thuhet në raportin e BQK-së./IO