Deri në ora 11 dalja e prizrenasve në votime është afër 9 për qind.  Këtë e ka konfirmuar Nysret Bytyqi, zyrtar i lartë në Komisionin Komuna Zgjedhor.

Ai tha për portalin “GazetaePrizrenit.net” se mund të thuhet se shkalla e përqindjes në procesin votues është e përafërt me zgjedhjet e fundit të 2017-tës.

“Mund të thuhet se procesi është i rregullt dhe i qetë”, tha Bytyqi, duke shprehur optimizëm se gjatë orëve të pasdites pritet një interesim më i madh për të votuar.

Në Prizren policia ka njoftuar për tri arrestime shkaku i fotografimit të votës.

Në qendrën votuese që ndodhet në shkollën “Lekë Dukagjini” në Prizren deri në orën 11:00 kanë votuar 603 persona./GazetaePrizrenit.net