Ish-gjyqtari i Gjykatës Kushtetuese, Kadri Kryeziu, ka reaguar ashpër ndaj ndarjes së fondeve publike për organizatat joqeveritare.

Në një postim në Facebook, ai e quajti këtë praktikë të dëmshme dhe kërkoi që Kosova të ndjekë modelin e Presidentit Trump duke ndërprerë financimin për OJQ-të.

“Paratë e taksapaguesve nuk duhet të përdoren për projekte me fatura të fryra dhe rroga fiktive”, tha Kryeziu, duke shtuar se shumë përfitues jetojnë në luks dhe nuk japin llogari për fondet që marrin. Ai kërkoi auditim dhe kontroll të rreptë për çdo organizatë që përfiton nga buxheti i shtetit.