Një rast i është zbuluar, nga Policia në pikën kufitare në Vërmicë, raporton Gazeta Sinjali. Zyrtarët policorë kufitarë dje kanë ndaluar një veturë, nën dyshimet për gjësende të kundërligjshme, ku pas kontrollit gjetën drogë.

Sinjali ka mësuar ekskluzivisht se dy të rinj, njëri shofer e tjetri pasagjer u kapën me një sasi të substancës narkotike, të llojit kokainë.

Pas përfundimit të procedurave policore, Prokurori i Shtetit ka urdhëruar masën e ndalimit policor dhe inicimin e rastit ndaj të dyshuarit për veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

P. S Fotoilustrim