Kupa e Botës ‘Katar 2022’ vazhdon sot me dy duele dramatike në kuadër të fazës së çerekfinaleve.

Në orën 16:00, vjen dueli Maroku-Portugali, një superpërballje e ‘nxehtë’. Maroku që çoi të shpija Spanjën, kundër Portugalisë së Kristiano Ronaldos synon befasinë e radhës, edhe pse portugezët llogaritën favorit të paktën në letër.

Kryesfida e ditës së sotëm vjen në mbrëmje, ku do të ballafaqohen Anglia dhe Franca, në një ndeshje që parashikohet të jetë drithëruese.

‘Tre Luanët’ dhe ‘Gjelat’ kanë shfaqur formë të mirë në këtë Botëror, dhe synimet e të dy skuadrave janë që këtij turneu të madh të futbollit t’i shkohet deri në fund.

Anglezët dhe francezët do të paraqiten me lojtarët më të mirë që kanë, në një sfidë të zjarrtë me objektiv për të prekur gjysmëfinalen e këtij Botërori.

Ndeshja Francë-Angli nis në orën 20:00./rtk