Gjykata e Posaçme ka caktuar masë sigurie “detyrim paraqitje” dhe “ndalim dalje jashtë shtetit” për ish-kryeministrin Sali Berisha, në kuadër të hetimeve të nisura nga Prokuroria e Posaçme për privatizimin e kompleksit sportiv “Partizani”.

Po ashtu, me kërkesë të SPAK për të njëjtën çështje, është arrestuar mbrëmjen e të shtunës edhe dhëndri i Berishës, Jamarbër Malltezi. Gjithashtu raportohet se u ndalua edhe  biznesmeni Fatmir Bekteshi.

SPAK ka nisur hetimet mbi këtë çështje pas një kallëzimi të bërë nga Taulant Balla në vitin 2020, asokohe kryetar i grupit parlamentar socialist.