Kjo është dita kur Remi dëshmon në Hagë, pas disa ditësh edhe një ish-komandant tjetër
Me ftesë të Zyrës së Prokurorit të Specializuar, Rrustem Mustafa do të paraqitet në Hagë për të dëshmuar rreth organizimit të UÇK-së dhe pretendimeve të prokurorisë në procesin gjyqësor kundër ish krerëve të UÇK-së.
Burime të “Indeksonline” bëjnë të ditur se Remi do të niset për në Hagë më 6 korrik.
Ish komandanti i Zonës së Llapit e ka konfirmuar se do të udhëtoj në Hagë. “Po, javën e ardhshme jam ftuar të dëshmoj në Hagë. Do ta mbroj të vërtetën e luftës së UÇK-së”, ka thënë ai.
Vlen të theksohet se pas disa ditesh, pritet të ftohet edhe nje epror i larte i UÇK-së në zonën operative të Llapit.
