Kështu ata po nderonin legjendën Fadil Vokrri, që si lojtar kishte mbajtur fanellën me numrin nëntë dhe që ndërroi jetë më 9 qershor të këtij viti, shkruan sot “Koha Ditore”. Ishte moment emocional, që u parapriu momenteve të tjera të mëdha të takimit të së hënës mbrëma.

Edhe më shumë legjenda Vokrri u nderua në vazhdim të takimit. U nderua nga lojtarët e Kosovës që arritën te fitorja e madhe ndaj Ishujve Faroe. 2:0 në të mirë të Kosovës përfundoi takimi i luajtur në stadiumin e qytetit në Prishtinë, që tani e mban emrin e madh të legjendës së futbollit, “Fadil Vokrri”.

Ishte ndeshja e parë zyrtare garuese që Kosova e luajti në shtëpi, përkatësisht në stadiumin e rinovuar të qytetit në Prishtinë. Për këtë moment është pritur gjatë dhe interesimi i shikuesve ishte shumë i madh. Biletat ishin shitur brenda pak orëve javën e kaluar, ndërsa ato të hënën u shitën në treg të zi me çmim dukshëm më të lartë.