Një spiun i forcave kurde në Siri vodhi të brendshmet e Abu Bakr Al-Baghdadit me qëllim që të merrte një mostër ADN të liderit të ISIS dhe të ndihmojë dërgimin e ushtrisë amerikane në vendndodhjen e tij, thonë zyrtarët kurdë.

Zyrtarët nga Forcat Demokratike Siriane (SDF) të udhëhequra nga kurdët përshkruanin se si ata gjurmuan Al-Baghdadin e pakapshëm nga njëri skaj i Sirisë në tjetrin në muajt që çuan deri në operacionin këtë fundjavë, i cili la të vdekur terroristin më të kërkuar në botë.

“Përmes burimeve tona, ne arritëm të konfirmonim që Al-Baghdadi ishte zhvendosur nga zona e Al Dashisha në [Deir Ezzor] në Idlib. Që nga 15 maj, ne kemi punuar së bashku me CIA për të ndjekur Al- Baghdadin dhe ta monitorojmë nga afër,” tha Polat Can, një këshilltar i lartë për SDF.

“Një nga burimet tona ishte në gjendje të arrinte në shtëpinë ku fshihej Al-Baghdadi. Ai ndryshoi vendbanimet e tij shumë shpesh. Ishte gati të transferohej në një vend të ri në Jerablus. Burimi ynë, i cili kishte arritur të arrinte tek Al-Baghdadi, solli të brendshmet e Al-Baghdadit për të bërë një test ADN dhe për t’u siguruar 100 për qind se personi në fjalë ishte vetë Al-Baghdadi “.

Mustafa Bali, një zëdhënës i SDF, tha për CNN se një informator kishte marrë të brendshme të Al-Baghdadit dhe një mostër gjaku që ishte përdorur për testin e ADN-së, e cila konfirmoi identitetin e tij para se të bëhej sulmi.

CNN nuk mund të konfirmojë pretendimin e kurdëve, por bashkëpunimi i tyre me SHBA në përfundimin e bastisjes së Bagdadit u zhvillua pasi administrata e presidentit Donald Trump po braktiste SDF në veri të Sirisë.

Një zyrtar i lartë i Departamentit të Shtetit u tha gazetarëve të hënën se SDF “luajti një rol kryesor” në sulmin  ndaj liderit të ISIS-it, dhe se SHBA-të kanë qenë “në kontakt të ngushtë” me komandantin e SDF, gjeneralin Mazloum Abdi “për të gjitha aspektet.”

“Ai, njerëzit e tij dhe burimet e tij të inteligjencës, luajtën një rol kryesor në të gjithë këtë,” tha zyrtari. “Është një rol shumë i rëndësishëm. Askush nuk duhet të nënvlerësojë sesa i rëndësishëm ishte SDF në të gjithë këtë,” shtoi ai.

Më herët këtë javë, Mazloum tha se kishte pesë muaj “bashkëpunim të përbashkët intel në terren” që çoi deri në bastisje. Zyrtari i Departamentit të Shtetit tha se deklaratat e Mazloum për sulmin ishin të sakta.

Zëdhënësi i SDF, Kino Gabriel i tha CNN se tërheqja e befasishme e trupave amerikane nga pjesë të veriut të Sirisë në fillim të tetorit vonoi operacionin për të vrarë Al-Baghdadin. Grupet kurde thanë se ata e konsideruan tërheqjen e SHBA – e cila çoi në një ofensivë turke për të pastruar forcat kurde nga zona kufitare Siriane – një “tradhti”.

Vdekja e Al-Baghdadit shënoi fundin e një gjueti për një kohë të gjatë për të gjetur një nga terroristët më të kërkuar në botë dhe njeriun që shpalli kalifatin islam në Irak dhe Siri në vitin 2014./Gazeta Sinjali/

​