Kandidati për kryeministër nga Vetëvendosja, Albin Kurti, pas zgjedhjeve dhe shpalljes së fitores, paralajmëroi ata që kanë krijuar pasuri të paligjshme të mos ndihen rehat.

I pyetur nëse duhet të ndjehen të trembur oligarkët, në një intervistë për Top-Channel,  ai tha se sa i përket pjesës jolegjitime te biznesit të tyre, ajo do të marrë fund dhe të kthehet në buxhetin e vendit.

“Do të ketë luftë jo vetëm kundër krimit e korrupsionit, por edhe konfiskim të pasurisë së paligjshme dhe të pajustifikueshme. Kjo është e domosdoshme”, tha Kurti përcjell “GazetaePrizrenit.net”.